聖誕快樂

肥，又到聖誕了，今年係沒有你的聖誕第2年。上年還有老夫陪我睇C Allstar...過平安夜，今年沒有了，C Allstar今年的聖誕音樂會在室內搞....而且仲要只限FANS....再加上最重要的...係要錢......所以今年的平安夜只有自己一個人過....你呢？你那裡有聖誕節嗎？是自己還是跟媽媽一起過呢？

之前社會事件搞到好大件事...搞埋POLY....所以POLY都被封左一輪...我地無得返去返工...有2星期在家工作...呢2星期就喺紅磡學生宿舍整左間temp. office....都未知幾時正式可以返去復工....不過好彩部份校園同我返工果座喺18/12都開得返...所以尋晚我就返左公司自己過一個人的平安夜....而家返入去都保安好嚴密...出入校園要拍卡...出入我返工果座樓都要再拍卡....真係好誇張....如果返唔到學校....成晚都唔知搵邊度收容我好...

以前我記得我跟你說過...老細這個朋友交不過...所以我對佢亦無乜好感。不過自你離開後...我開始感覺到佢係有當你係朋友....點解呢？因為你離開左年幾...佢地都無人提出話想去上注香比你，肥明..師叔..西西...我都無聽佢地主動提出過...有無喺我不在場時提出咁又唔知啦...但西西頭先講...老細想去上注香比你.....果下我即刻對佢改觀左....至少佢仲有一份心.....話時話...自你離開後...除左在殯儀館那晚見過家謙後...我都無再見到佢啦.....但佢都對你有份心...你離開果日...佢知道左之後都趕去醫院想見你一面...可惜你已經被推走了...

今年過冬....你二佬都有叫我去同佢地一家食飯....今次係去觀塘一間工廈內的私房菜館，野食都還好啦....不過你大嫂又無出席....你爸內心應該好不滿....其實又唔係成日會見到...主要都係一年幾次食的飯...做下戲應該都要掛...

上上星期六..我地又去左西貢BBQ場BBQ啦...今次有老夫出席...所以出入我都同佢一齊....

黎緊西西又約去食Buffet...雖然開心有得刷一餐...但又要大出血了....講開大出血.....無你喺度...我真係不斷大出血...呢個月開始都要禁住自己唔可以再晒錢...如果真係要出錢...只係食最平最平的野去填飽自己...肥....好想好想問你..你還在不在呢？